【On.cc】宣萱被提張可頤即落閘　直認「執二攤」冇問題藝人宣萱聯同眾演員今日（

【On.cc】宣萱被提張可頤即落閘　直認「執二攤」冇問題

藝人宣萱聯同眾演員今日（27）出席劇集《巨塔之后》宣傳活動，台上司儀許文軒一時口誤將劇集名講成《白色巨塔》，即引來眾演員起哄作狀打他。宣萱透露一直恨演醫生角色，今次夢想成真，不過她不諱言拍攝時有點擔心：「因為只係出咗7集劇本，係邊寫劇本邊拍，我每晚拍完劇都要背對白，當中有好多專業術語，所以每晚只瞓得4個鐘。」

另外，提到宣萱早前為林家謙演唱會任表演嘉賓，成全城熱話，她透露經理人在個唱前3、4天才跟她說：「我初時話唔好，因為我好怕唱現場，但我覺得唔可以逃避，而且我好相信我嘅經理人，佢話覺得我應該要做。（你係被演戲耽誤嘅歌手？）唔係。（上台前有冇綵排？）綵排咗一次，其實我嘅壓力唔係自己，因為我唔係專業歌手，唱得唔好都唔會有壓力，但呢個係林家謙尾場演唱會，我怕因為我變咗臨尾香。」她續指對上一次現場唱歌已經是2005年劇集《阿旺新傳》播出時。

宣萱透露一直恨演醫生角色。

提到早前做林家謙個唱尾場嘉賓，她坦言怕害對方「臨尾香」。

另外，提到有網民重提當年她與張可頤不和事件，宣萱即落閘說：「係舊聞，唔講喇！」至於有指《巨塔之后》宣萱的角色原屬意由張可頣飾演，她大方表示沒問題：「一部劇唔會只問一個人，監製一定有幾個人選，再睇吓邊個得，經理人同我講唔需要理搵過邊個演，總之最後個角色落咗喺你手上。」此外，宣萱自爆早前颱風樺加沙襲港，她自薦做兩隻狗狗的暫托家庭，最後更收養了其中一隻，現時家中有3狗及3貓。

講到她頂替張可頤，她一聞與對方恩怨即落閘。

但就表明不介意「執二攤」。

陳煒都有參演。