【On.cc】許紹雄女兒許惠菁簽約阿Bob公司出道 痛失至親後勇敢追夢
資深演員許紹雄（Benz雄）於去年10月病逝，獨生女許惠菁（Charmaine）經過數月平復心情後，努力振作投入生活，今日（9日）在社交平台宣布加入由藝人林盛斌（Bob）主理的棋人娛樂（Chessman），主力做司儀工作。Charmaine晒出多張新造型照，並留言分享心情：「半年前嘅我點都唔會諗到呢段時間會需要經歷接二連三嘅變化，3個月內一次又一次咁推我出Comfort Zone，但係老土啲講句when life give you lemons,make lemonade，好感激呢段時間有屋企人同一班朋友嘅陪伴，關懷令到整杯lemonade嘅過程容易好多。」亦不忘多謝Bob：「好多謝你成日keep me in mind同邀請我加入呢個family，期待新嘅學習新嘅嘗試，請大家多多指教啦。」
Charmaine接受傳媒訪問時表示：「係呀係呀，我簽咗chessman，多謝Bob畀機會我加入呢個大家庭，我冇資格繼承爸爸嘅衣鉢呀，我有好多好多嘢要學，希望大家多多指教多多支持。」問爸爸生前是否都贊成她入行？許惠菁坦言：「只要我做得開心，爸爸都會支持，所以呢種冇條件嘅愛係我永遠都會懷念同感恩。」問會否嘗試拍戲拍劇？她透露讀大學時，都有幸做好多學校event的司儀：「所以一路喺呢方面都好有興趣，拍劇拍電影就要睇機會啦，有乜嘢新嘗試都會盡力去做好佢。」
而Bob接受傳媒訪問時表示：「其實由佢開始做網上頻道嗰陣，我已經有留意佢，我覺得佢感覺好清新，好有陽光氣息，好正能量，然後大家再傾落去嘅時候，知道佢都好想向主持同司儀方面有更加多嘅發展，所以大家就嘗試呢個合作，希望我哋可以提供多啲嘅平台畀佢做佢想做嘅嘢，亦都希望佢嘅出現令到我哋嘅司儀團隊帶嚟新嘅力量，大家一齊去努力，一齊加油。」更透露經理人已幫她洽談新工作：「希望成事，等大家見到佢喺台上面做司儀同主持嘅表現，我相信佢一定會愈做愈好嘅。」
許惠菁（下左2）簽約阿Bob公司。
許惠菁出道啦！
許惠菁晒出多張新造型照。
許惠菁主力做司儀工作。
加油呀！
許惠菁勇敢追夢。
