陳山聰大年初一繼續開工 一家三口飛馬來西亞過年.藝人陳山聰大年初一繼續開工，一早帶同太太及囝囝飛抵馬來西亞，但今次並非新年旅行，而是兵分兩路，他接受訪問時表示：「我今次係為電影《媽媽又要嫁》謝票，會去埋怡保同馬六甲，逗留成個月，因為囝囝好鍾意馬來西亞，同太太商量後，就決定帶同囝囝同行，我工作，佢哋去玩，都會有一日帶個仔去謝票，希望佢可以吸引到更多觀眾入場睇戲啦。」
他又指就算他未能陪妻兒玩，但家人一定不會寂寞，皆因已安排好豐富節目，包括和當地朋友見面外，食盡地道美食，又可游水過個熱辣辣的農曆新年，只是玩幾日後，妻兒將先行返港。問到對新片的期望，他說有一千萬票房就開心到「黐線」，祝願電影口碑及票房皆好：「我會盡力去做，依家口碑唔錯嘅，最想每年都有機會拍唔同嘅電影啦。」並順道向粉絲拜年，祝大家一切順利，馬年大吉，馬到功成。
TVB
