怀念识食嘴刁的张国荣

去年 10 月，哥哥与唐生及一众明星齐到厨艺吃私房菜。美姨曾经帮唔少富豪潘迪生、三姨太等煮饭，一向识食嘅哥哥梗唔会放过美姨嘅手艺嘞，哥哥更亲口对记者说：「 好好食呀！我最钟意食『 太后鸡 』好入味！」 当晚哥哥与唐生心情大好，有问必答，两人口味一样最爱吃太后鸡。 唐皇太后鸡以十多种香料腌制，肉质嫩滑带点清甜和花的清香，记住订位时指定要食嘞！就连哥哥食完都赞不绝口！ 撑台脚之地 COVA 哥哥与唐生的关系甚为光明磊落，拍拖都唔介意去开扬嘅 COVA GARDEN 叹茶。金钟 COVA 位于太古广场 4 / F 大堂中央，由于餐厅采用开放式设计，无论坐喺边都一定见到。COVA 嘅 HIGH TEA 一向甚受明星名人欢迎，当日哥哥就在 COVA 遇上大美人林青霞。 当日哥哥仲喺 COVA GARDEN 撞到林青霞，两人闲聊 10 分钟，哥哥才与唐生高高兴兴地离去。 蚬肉意粉＄128 蚬肉够鲜甜，意粉又软硬适中，哥哥最钟意！ 地址：金钟太古广场 3 楼 301 号铺 富豪饭堂 福临门 哥哥于 01 年 4 月便曾与唐生及朋友到福临门吃晚饭，同日原来大刘都在福临门吃饭。有富豪饭堂之称的福临门系唔少富豪用膳的地方，作风低调，唔太接受杂志采访，大刘同哥哥都劲钟意！呢度出名用料矜贵，菜式名贵架！ 哥哥当日身穿黑皮褛红裤梳了条辫，非常抢眼！唐唐就 T 恤牛仔裤较 CASUAL 。 鱼翅灌汤饺＄60 条条牙签咁粗嘅翅，味道当然够鲜够入味，唔怪之得哥哥咁钟意嘞！ 地址：湾仔庄士敦道 35－45 号地下 45 岁生日宴 海都 响旧年哥哥 45 岁嘅生日宴就拣咗湾仔海都摆了一围，只邀请了几位好友：白雪仙、陈洁灵、陈淑芬等，好友唐生当然系座上客。当晚哥哥一早到场，与好友先打麻雀，晚饭后再继续竹战至 12 时多。生日宴哥哥点了黄油蟹、鱼翅，更有寿包，埋单约一万元。上个月仲曾经同唐生烟烟韧韧去饮下午茶添！ 地址：湾仔新鸿基中心 2 楼 消夜正店 顶好 哥哥甚爱到跑马地的顶好粥面消夜，哥哥每次都跟大班朋友同往，每次都会点鲜虾云吞面、炸鲮鱼球和白灼鹅肠等。哥哥爱吃，就连食消夜，埋单动辄都要六百多元。每次到顶好，哥哥都会将车泊在附近的咪表位，就算食食吓要去入表都毫不介意！ 地址：跑马地成和道 49 号 2003年 杂志资料