【On.cc】許靖韻彿山完成今年巡演首站 盼望香港開騷
歌手許靖韻（Angela）日前於佛山完成今年巡演首站，音樂會上Angela演唱了多首代表作，更向粉絲作個深情剖白，分享這兩年巡演的心路歷程，對她來說這個音樂會有如精神食糧，「佛山站Show特別地不捨，因為呢個巡演好似陪伴咗我都一至兩年，好似係我呢一段時間嘅一個精神食糧。所以每次見到歌迷都係一個期待，好多謝佢哋一路畀呢個期待我，多謝佢哋嘅陪伴。」她直言雖然很多人因翻唱作品認識她，但她希望大眾記住：「我係歌手許靖韻。」
許靖韻動人的聲線。
Angela透露正製作新歌，目標是突破慘情歌路線，「想出慘情歌以外多啲唔同類型嘅作品，可能會係一啲比較band sound類型。其實五、六年前有出過《琢磨》同埋《被討厭的勇氣》，可能係一啲比較正能量嘅歌，依家仲係製作當中，希望今年可以多啲唔同類型，快歌又得。」Angela表示一直有寫歌，希望今年有機會推出至少一首自己創作的作品。她表示已好多年冇在港開騷，直言恨開騷，其實一路巡演都見到好多歌迷留言想知道幾時會有香港站，「自己都好想，一路有同公司溝通，希望今年會實現到。」
許靖韻技驚四座。
許靖韻多才多藝。
许靖韵[超话]
