#春日生活打卡季#《中年好声音3》将于16号晚播出16强晋级14强“偶像之歌”一对一淘汰赛上半场赛事，陈晓东再度回归任嘉宾评审，参赛者要挑战一首偶像嘅金曲出战，刚好陈芷盈嘅偶像就係东东，佢拣选咗东东嘅《心有独锺》献唱，表现更获偶像大讚。 东东话评分准则係想听到参赛者唱出自己嘅版本同灵魂，佢形容芷盈唱出少女版。能够在偶像前献唱，芷盈都话好似梦想成真，东东仲话有机会一齐同台合唱。 今个回合，各位参赛者按上回分数分成上、下弦，然后上弦参赛者出场前任意挑选下弦参赛者挑战，之后再换转挑选方法。拨入下弦参赛者嘅刘晓昆反而拣选跳唱快歌出战，佢解释因为唔再唱跳就无乜机会，因为佢好想留一个唱跳画面于中声舞台，更为咗歌曲苦练广东歌，佢笑指舌头都咬烂。 而任永健经常被评审批评拍子唔准，但原来佢每次上舞台的压力，比大家想像中更多，因为以往无人教授过唱歌，一直以感情行先不理拍子，但上台出战就变成最大嘅压力。
