劉江誤爆黃翠如蕭正楠BB出世 跑友已收到喜訊：我又冇講到係男定女
Edwin Siu 蕭正楠 日前喺社交平台分享即將卸貨嘅太太 黃翠如 Priscilla Wong ，跟腹中BB相處之日常，洋溢幸福之情。正當大家等待一對爸爸媽媽宣佈蕭家新成員誕生嘅好消息，劉江喺3月19號晚上接受李珊珊網上頻道訪問， 期間講到近年成為周潤發嘅跑友，多年嚟都風雨不改，不過過程中就驚爆翠如日前已卸貨。
劉江談及同周潤發、苗僑偉夫婦、黃日華同黃翠如等人一齊跑步，珊珊就問：「佢唔係大肚咩？」劉江當時就話：「生咗喇。」珊珊覺得不妥再講「你可能爆咗嘢出嚟」，見慣大場面嘅劉江話「而家大家都知生咗」，仲透露「生咗喇，噚日、前日」，但劉江未有透露BB性別，有急才嘅珊珊就打圓場話劉江無心爆料，只係開心事值得分享。
此外，黃翠如早前透露已擬擇日剖腹生B，又指BB似佢哋兩公婆一樣頭大，醫生建議開刀，佢都已揀好日子，準備迎接BB來了！
黄翠如[超话]刘江
