【On.cc】姚焯菲自爆被改花名「陳頭」 落閘唔想同周嘉洛組CP
聲夢小花姚焯菲（Chantel）最近加入處境劇《愛．回家之開心速遞》，她今日（20日）現身劇集宣傳活動，Chantel很快已融入劇組，她自爆被單立文改花名為「陳頭」，取其英文名諧音，又指對方覺得她跟周嘉洛在劇中會有愛情線，她說：「佢成日講會萌愛意，但其實係冇，只係佢覺得。（你想同劇中邊位組CP？）我唔想，因為太亂，我剛剛加入劇組，如果有太多事發生會好亂，睇定啲先啦！而且我劇中嘅角色年紀太細。」
Chantel透露在劇組備受大家照顧：「每個人都好錫我，之前我唔舒服要開工，有人畀益生菌我，有人畀粥我，個個都好好，叔公（單立文）成日要我食嘢，所以係好幸福，大家好似一家人咁。」另外，講到好友鍾柔美（Yumi）修讀香港大學專業進修學院副學士，被同學指她經常做逃學威龍，她坦言對方有向她提及此事：「佢冇走堂，但畀人咁講，我都覺得好驚訝。不過佢返學時笠到冚，又坐到最後，所以冇人認到佢唔出奇。（要兼顧工作同讀書係咪好辛苦？）真係好辛苦，不過因為係自己鍾意做嘅嘢，所以再辛苦都係值得。」
Chantel自爆被單立文改花名。
Chantel無意與周嘉洛組新CP。
全因她認為角色年紀尚少，不適合有感情事。
她又大爆在劇組備受照顧，非常有愛。
姚焯菲Chantel[超话]
