【On.cc】陳凱琳透視低胸誘鄭嘉穎 離巢後任接夫妻檔
藝人陳凱琳（Grace）與老公鄭嘉穎日前於馬來西亞出席活動，並齊穿上淺棕色服裝，衣着襯到絕！Grace所穿的低胸透視晚裝，長腿若隱若現，可謂艷壓全場，跟鄭嘉穎齊齊步入會場時，儀式感十足，不少網民留言話似足婚禮一樣！
陳凱琳呢身打扮索爆，佢就笑老公似拿督。
Grace於社交平台甫出靚相，並指去年經常去馬來西亞，但都沒有「夫妻檔」工作，而今次終有機會兩公婆一齊做嘢，感覺當然格外開心，Grace還直言老公鄭嘉穎一身形格打扮，都是出自她的手筆：「今次幫老公打扮到成個拿督咁，好Cute呀！」並不忘賣下廣告，曲線讚自己與老公對今次出席活動相當有誠意，又感謝客戶活動後帶他們去歎馬來西亞美食，認真叻女。
Grace日前受訪公開表示去年已約滿TVB，結束11年賓主關係，她直言離巢一事，一直都低調處理：「唔想特登去公布。（點解咁低調？）都係人生嘅轉捩點，最緊要專心做好依家嘅工作。」
「夫妻檔」開工，財源滾滾。
依家陳凱琳離巢，有錢自己袋。
歎埋馬來西亞美食。
開心最重要。
陈凯琳[超话]
