邓兆尊早前在网台节目《娱乐好好玩》中爆料指，某女星同时与6位富豪交往，后来意外怀

邓兆尊早前在网台节目《娱乐好好玩》中爆料指，某女星同时与6位富豪交往，后来意外怀孕，但6位富豪都不肯「认头」，惹来外界猜测邓兆尊所说的女星身分，有网民根据线索推测，将矛头直指有一个养子的张慧仪。张慧仪日前接受钟慧冰YouTube频道访问时，即嬲爆回应：「有某人就攞咗一张合照，fans就喺度问，我哋好想问阿邓某某嗰个女星系边个，渠就喺度写张慧仪。嗰一刻我系非常之嬲慨，严重警告，跟住两个红色慨感叹号，『不要再制造谣言』！大家有冇谂过，对嗰个小朋友系有几大慨影响！你好好玩咩？好好笑咩呢啲嘢？」 来自马来西亚的张慧仪自言自小已梦想来港做演员，而选美就是唯一途径，她在1993年代表马来西亚怡保来港参选国际华裔小姐，其后获TVB赏识签约成为旗下艺人，但因仍有马来西亚口音，所以她最初获安排于TVB艺员部做接线生，练习广东话，之后她就加入《真情》剧组，张慧仪自言在与李司棋、刘丹合作的过程中获益良多，但性格率直的她直言亦有不适应的时期：「我个外形呢惹火，我后生嗰时外形比较野呀，性格又咁直冲，再加上我钟意着嗰啲衫，冇办法，我喺热带地方长大，我钟意着短裙短裤凉鞋，所以我初初入去嗰阵好多人就唔钟意我呢啲外形、态度啦，用一啲好唔好慨字眼嚟形容我，咁你听完系咪好唔舒服呢，你咪起杠啰，你愈系咁人哋咪愈抗拒你啰。」 张慧仪坦言这也是她比较吃亏的地方，但她并未有介怀：「佢咁讲，我咪野啲啰！你得咩？你野畀我睇！」张慧仪笑言当时「惹火」的自己在TVB是「死硬慨」，而她所饰演的「彩瑶」在《真情》最后被安排死，张慧仪亦认为或许与性格不讨好有关：「其实嗰阵时我自己唔知㗎，我谂其实我离开《真情》呢就系因为我啲咁慨性格唔讨好呀，但系真系假我哋冇考究啦。」不过其后因观众反应热烈，张慧仪以「阿贵」的身份「回归」，更在剧中性感示人，亦因而被王晶睇中参演了不少电影，包括《原始武器》等，更有喷血级性感演出，至今令人印象深刻。 张慧仪透露当时仍是TVB包薪的艺员，所有工作都必须经艺员部批准才可以接，而当时接拍王晶的电影亦是由王晶出面跟TVB洽谈，不过拍完后却引起极大回响：「其实我都几无辜，一嚟系你哋（TVB）同意我去做，做完返嚟俾人插嗰个又系我，或者立场唔同，TVB慨剧入屋，但我觉得演员系要可塑性高，我系谂我电影性感，电视入屋，畀观众睇到两面慨我，咁样系一件好事。咁大家立场唔同，后尾就分道扬镳。」张慧仪又指当时更激动捍卫自己：「系你哋批准我我先做，你哋自己冇沟通咩？跟住渠哋讲『畀你红咗仲得掂慨？』」 张慧仪当年曾与卢庆辉有过一段情，但她忆述其实在拍摄《真情》期间两人没有太多交集：「我未同渠拍拖、完全冇感觉嗰时，有人话『卢庆辉都几靓仔』、『你会唔会同渠拍拖』，当时我话『靓仔咩』、『我一定唔会同渠拍拖』，千祈唔好咁讲，唔知点解某年某月某日突然间，『叮』一声就着咗。」之后张慧仪因身体不适入院，卢庆辉大献殷勤照顾，于是被对方打动，不过两人拍拖短短约1年就分手收场，张慧仪无奈称是「被分手」：「太多嘢过咗去喇……只不过当时我仲好记得我系被分手慨，对我嚟讲个打击系好大慨。」 张慧仪忆述当年某日完成工作后收到大批传媒「Call爆机」向她求证分手一事，当时卢庆辉在活动上向传媒透露分手消息，令她大感愕然：「我唔知呀，我前一晚仲同渠食饭好地地，仲拍紧拖，未分手。对于我嚟讲，点解会咁呢？我好想知，即刻揸架车去搵佢，但系对方一定唔会讲啦！当时我好唔开心，当然后期我知道咩原因啦，但系我觉得唔需要再去追究啦！系一个好好慨经验，嗰段时间我好难受㗎。」不过张慧仪未有透露原因，只表示卢庆辉已有家室，双方亦多年没有联络，不想旧事重提影响他人。