與蕭正楠結婚7周年撞正囝囝滿月 黃翠如冧爆：七年一定冇時間癢
蕭哈哈滿月喇！黃翠如 23號Po相慶祝囝囝蕭哈哈滿月之外，同時亦慶祝佢同老公蕭正楠結婚7周年。
其中一張相，翠如一手抱住蕭哈哈，一手拎住奶樽，阿蕭就拎住個BB玩具，仲將一條BB紗巾當成口水肩圍係頸前，而佢哋嘅面前就擺咗一個插住個「1」字蠟燭嘅小蛋糕，影咗張一家三口嘅全家幅。另外兩張相就係翠如同老公嘅合照，一張相當甜蜜，另一張就非常趣怪。
大部份父母有咗仔女後，都下意識以小朋友為以，翠如同阿蕭都唔例外，佢兩個同蕭哈哈影完滿月寫真、吹完蠟燭後，先記得呢日都係佢哋嘅結婚7周年。翠如喺帖文中寫道：「蕭哈哈大爺的滿月，偷偷溜出去買了個小蛋糕和1字蠟燭。為哈哈拍完寫真，吹完蠟燭，才想起這一天也是我們的結婚7周年，發現那個溶了的『1』字蠟燭，看起來也像個『7』字，拍了張照片，當慶祝了❤️七周年，另一種快樂🌈」
啲人成日都話會有七年之癢，但翠如同蕭正楠明顯冇呢個問題，翠如更係hashtag中打上一句 七年一定冇時間癢，表明兩公婆恩愛如昔。
萧正楠[超话]
