【On.cc】黃宗澤被蔡潔質問帶「戴祖儀」睇GD　險釀Coldplay騷偷情翻版

3大視帝黃宗澤（Bosco）、馬國明與陳豪昨晚（25日）聯同蔡潔及陳瀅等出席《執法者們》大結局晚宴。曾揚言收視達30點會親吻蔡潔右腿的Bosco，因收視最終未能達標，笑指「唔爭氣」未能錫對方，身旁蔡潔即表示可留待續集，更想到以孖生姊妹身份復活。

Bosco透露與蔡潔將於新劇《風華背後》中第9次合作，並透露首次演律師角色，笑言終於不用打，但由於有大量專業用語，加上對白頗長，要想辦法記對白，又指看過劇本後知道蔡潔有被摸戲份，但自己卻冇份摸，笑言有點嬲。蔡潔則表示未看劇本，故不知道有被摸劇情。

另談到Bosco在馬來西亞被拍得跟女生欣賞G-Dragon演唱會，他笑謂：「淨係框住影我哋，邊有人咁蠢帶女仔睇演唱會？」他指現場觀眾過萬，當中起碼有7千女生：「我哋係十幾個朋友去睇，因為識主辦方，嗰個女仔係普通朋友。」問到蔡潔是否滿意Bosco的解釋？她笑言「關我咩事？」Bosco即爆蔡潔傳短訊給他，質問為何帶戴祖儀睇騷：「佢話同戴祖儀睇騷，都唔同我睇。」蔡潔解釋身邊朋友覺得那女生很像戴祖儀，自己也認同，Bosco即說：「如果係蔡潔會好啲嘅。」他笑指若將來有女友，會帶對方欣賞安靜的演唱會：「係睇Kenny.G，而唔係G-Dragon。（若女友喜歡G-Dragon？）咪買張飛佢自己去睇囉！」他形容當日G-Dragon演唱會場面墟冚如盛事，問他入場前可有練定舞？他一本正經地說：「樂壇同舞壇都唔屬於我，我都係返嚟影壇，嗰啲交番畀林峯，搞番張櫈。」

馬國明與陳瀅笑指他們是劇中唯一有好結果的一對，陳瀅則表示若有機會再跟馬國明合作，希望能跟對方拍打戲和開槍戲：「佢每次拍開槍戲都唔眨眼，我第一次拍《飛虎》嗰陣畀導演話我浪費子彈，依家拍槍戲有壓力。」馬國明即自嘲因年紀大感觀退化兼反應慢，叫年輕的陳瀅再等一下，他說：「拍《隱形戰隊》畀監製發現我係唯一一個開槍唔眨眼，後來發現自己應該係感觀退化，哈哈！」

陳瀅表示今次演出最擔心拍性感戲會走光，加上要減肥。笑問為何身形Fit卻未有男友？問到可有想過參加《女神配對計劃》？她透露劇組最初有跟她接觸，但最終希望找更年輕的女藝人，又指自己也有追看節目。馬國明則表示若陳瀅參加必定引來大批男生報名參加，問到他屆時可會擔任「花生團」幫手揀男生？他說：「我驚唔識揀，揀錯累佢一世。」

提到好友王灝兒（JW）跟有份投資的茶飲店撇清關係，陳瀅認為每件事情都會有開始及完結。另談到有指張曦雯跟拍拖8年男友分手，馬國明與陳瀅都表示不清楚事件。

至於陳豪表示雖然自己角色在劇中有不少長對白，但還應付得來，不過劇情講他喜歡上一個不喜歡自己的人，跟平日演萬人迷待遇截然不同，笑言覺得唔過癮，又稱很少見宣萱演繹今次角色類型，讚對方雖然為人好善和友善，但做人有原則：「宣萱仲可以有好多方面發展，佢性格幾適合做搞笑戲。」另提到有指張曦雯與拍拖8年男友分手，陳豪坦言不清楚：「等佢本人回應。」

Bosco錫唔蔡潔條腿喇！

蔡潔笑言等續集。

嚟緊第9次合作。

陳瀅話想馬國明拍打戲。

馬國明自嘲年紀大反應慢。

陳瀅話《女神配對計劃》有搵過佢。

陳豪唔清楚張曦雯分手一事。

Bosco被蔡潔質問點解帶「戴祖儀」睇GD！

Bosco話個女仔只係普通朋友。

險釀Coldplay偷情事件。