【On.cc】蕭正楠黃智賢內地劇接受預約 自爆要相依為命
藝人蕭正楠（阿蕭）、黃智賢（Ben）及黃奕斌有份演出的內地網劇《無相之城》突然空降上架，並將於明天（31號）推出揭開神秘面紗。此劇融入港式幽默、懸疑破案及輕喜愛情等元素，加上有新面孔包括內地新血李俊辰及戴佳敏等加盟，黃奕斌更首以男主角身份於劇集亮相。劇組近日釋出相關預告及拍攝花絮，且開始接受線上預約，該劇開始獲得關注，相信可殺出一條血路。
蕭正楠同黃智賢內地網劇《無相之城》突然空降上架。
黃奕斌首次做男主角。
內地新血李俊辰及戴佳敏都有加盟。
談到拍攝《無》劇的過程，Ben受訪時透露﹕「拍攝時係2021年尾，當時疫情都未過，我返橫店開工要隔離21日，同埋人生路不熟，我最熟嗰個就係阿蕭，我哋咪兩兄弟相依為命，收工一齊去食飯囉。」他又自動提到其中一場重頭戲，原本安排他與阿蕭對打，結果卻換來另一個版本﹕「劇組後來想拍出嚟感覺飄逸啲，所以不停攞住把風扇吹向我哋，最尾拍唔成打喇，但就吹咗成日風囉，哈哈﹗」
今次Ben飾演一個經歷過風霜的城主，造型上要增添銀髮及白鬚，每日開工時劇組的梳化小組絕不鬆懈，每拍竣一個鏡頭便趨前補妝梳理，相當認真，當被問到該劇有否機會在港推出，他即表示﹕「暫時冇聽聞喎，如果有機會嘅話，我梗係樂意配合宣傳啦。」
新劇融入港式幽默。
黃智賢話佢同蕭正楠兩兄弟相依為命，收工一齊去食飯。
銀髮及白鬚Look型爆。
萧正楠[超话]
开心平安
无意冒犯，主角该不会是第三张图和第四张图的大众脸的人吧？