【On.cc】陳懿德首孭飛《聲秀》司儀 壓力爆煲求安慰
藝人陳懿德（德德）今年奪得《萬千星輝頒獎典禮2024》「最佳女新人」獎，轉數快又口齒伶俐嘅佢，近年多次被欽點做多個節目主持，事業發展順利，近期佢就擔任無綫全新歌唱大賽《聲秀》司儀，由海選時期到20日節目正式播出，陳懿德表現可圈可點，令佢勁大壓力。
陳懿德首次孭飛《聲秀》司儀，好大壓力呀！
雖然過往累積唔少主持經驗，但今次係陳懿德首次挑大樑負責選秀節目，佢前日（28日）於社交平台自揭從小學起就係歌唱類節目忠實粉絲：「小學睇《超級巨聲》，到依家做《聲秀》司儀，這種感覺好奇妙。Anyways 今次都係小妹第一次孭飛責任較大嘅選秀，其實都有啲壓力山大，亦都興奮山大，希望大家多多包容，歡迎大家睇完都可以DM我畀啲意見繼續努力。」除了獲大批網民紛紛留言支持外，唔少人都讚佢嘅主持造型又靚又型：「呢張有氣勢！」、「非常靚女」，就連《中年好聲音》冠軍周吉佩都大讚美：「靚到呢！」相信可以增加到佢嘅自信心。
佢依家已經係無綫御用主持之一。
佢好想網友DM佢畀意見。
集思廣益做better me！
