【On.cc】蔡思貝鄧月平互Like靚相Sweet爆　私下原來係老Best女星蔡

【On.cc】蔡思貝鄧月平互Like靚相Sweet爆　私下原來係老Best

女星蔡思貝昨（24日）社交平台分享與鄧月平（Larine）飯敍，以及Larine於她的社交平台留言，思貝對此解說：「說話有一日我like爆晒佢啲post，叫佢睇吓啦。」之後，思貝轉個頭就見到Larine在其社交平台的大量留言作「回禮」，兩人亦因此約出來飯敍，思貝還讚Larine好有文采及創意，大家見面傾得十分開心。

照片中，還有Larine握實思貝的手，以及切Burrata嘅相同片，思貝續留言：「我唔明，點解佢要挾持我隻手腕，同埋點解唔可以影到切爆個Burrata嘅momnet？」Larine昨睇到思貝的分享照，亦有留言：「我就嚟流感好番，你準備好畀我騷擾未？」明顯兩人會繼續約會，大玩Girls Talk。

蔡思貝同鄧月平原來係閨蜜，

佢哋最近互相大量留言對方社交網，自揭姊妹情。。

鄧月平接受東網訪問，原來兩人之前曾合作，當時已無所不談：「我哋經常係片場討論演戲，同埋分享自己過往嘅演出經驗，有咩可取不可取咁；我好多時候有疑問或者想分享開心與唔開心都係搵佢。」Larine還大讚思貝善良、友好：「我真心覺得蔡思貝係一個非常真誠、值得交朋友的好女仔，戲內戲外亦都係一個非常勤力聰明嘅演員。佢之前唔喺香港，我間唔中都會傳信息調戲吓佢，以訴我嘅單思之苦，哈哈！」對於思貝讚她好文采，Larine笑言：「唔敢當，幽默感都有少少嘅。」

鄧月平大讚蔡思貝係一個非常真誠、值得交朋友嘅好女仔。

兩人之前曾合作，經常互訴心中情。

蔡思貝笑言被鄧月平挾持手腕。