麻雀樂團｜盤點昨晚兩大感人喊位 網民封神劇：呢套劇太感動
.
本周踏入結局周的《麻雀樂團》，昨晚（25日）一集迎來感人戲碼。久哥（譚俊彥飾）因遭楊堅（林溥來飾）以毒品賊贓嫁禍，因而被取消麻雀館持牌人資格，為大龍鳳及久哥人生迎來重大危機。雖然久哥想盡辦法補救，鐵姐（李佳芯飾）及宗叔（姜大衛飾）等身邊人亦提供緩衝方法—德旺入股打救，但基於久哥的堅持和固執，事情難有轉機，最終久哥選擇在飯枱上向一眾家人宣布—與大龍鳳一起榮休！
昨晚一集，不少網民再度喊濕紙巾，喊位1是家明（郭柏妍）得悉壞消息後，站在大龍鳳招牌前回想程晴（胡敏芝Karen）告訴她的久哥的心意：「大龍鳳係發叔留畀大佬架，大佬話自己一日未死，一日都唔會畀大龍鳳嘅招牌拆落嚟」、「佢（久哥）話佢為咗大龍鳳，連自己老婆都留唔住，佢點都要留住大龍鳳等大嫂返嚟，等大嫂知道大龍鳳對佢有特別嘅意義」。家明回想完程晴的話後，鏡頭一轉，久哥無奈的身影突入，甚有詩意。昨晚有網民留言激讚：「呢套劇咁感動，會唔會變神劇？」、「咁郭柏妍咪有兩套神劇？上次《下流上車族》，今次《麻雀樂團》。」
喊位2是久哥宣布榮休的食飯戲，縱然內心有多不捨大龍鳳，久哥還是為了「所謂的原則」忍痛放棄，但為免家人擔心，他笑著在飯枱宣布要榮休，又借故指「餐飯咁好餸」全因「等你哋無論飛去邊度都好，都要記住大佬嘅人情味」。雖然久哥全程努力輕鬆，但依然騙不過程朗（黃庭鋒）及程晴，一早知道箇中原因的程晴全程「眼淚在心裏流」，最終家明、程朗及程晴沿用久哥至愛方法，以投票「三對一」反對大龍鳳結業，期間郭柏妍及Karen的忍淚樣相當動人，尤其仍算是新人的Karen，不但哭得雙眼鼻子通紅，而且完全演活了程晴內心極度淒酸、難過及不捨的狀態，以新人來說超對是超班演出，果然入屋有理。
