【On.cc】關智斌備戰個唱 神秘現身Cantonpop Party
關智斌（Kenny）將於9月26及27日假啟德體藝館舉行一連兩場演唱會，近日積極為個唱備戰的他，日前他跟何珮瑜（Jeana）神秘現身Cantonpop Party，全場觀眾即陷入瘋狂狀態，歡呼聲幾乎震爆場。
關智斌人氣高企。
Kenny一出場，主腦人立刻為他送上專屬Medley，一次過串燒他的經典歌曲《眼紅館》、《La La世界》及《死性不改》等。音樂一響起，全場進入大合唱模式，化身Kenny的超級Fans，每首歌都滾瓜爛熟。而一播出神曲《死性不改》時，台下不但跟着唱，就連Twins嘅經典獨白部分，觀眾都一字不漏地大聲講出，完全重現了當年集體回憶的名場面。
何佩瑜都有現身。
事後Kenny都忍唔住分享感受：「今次係我第一次嚟，最近佢哋知我就嚟開演唱會，就整咗個Kenny Medley，咁點可以唔嚟玩吓？」講到Party感受，Kenny笑言：「哈哈！但見到大家聽到廣東歌咁興奮，每一首都跟住唱、跟住跳，真係好開心，證明大家真係好鍾意廣東歌！」
何佩瑜相當投入。
Kenny更爆料話：「我一上台，主腦人就叫我啟動個Medley儀式，音樂一Play，全場就跟住唱，之後大家High到要求Encore，最後Encore咗《死性不改》同《La La世界》全首！佢哋播其他廣東歌，好似《活着Viva》、Twins嘅歌，成個晚好似變咗大型K房，大家都好有共鳴！」
Kenny一出場，主腦人立刻為他送上專屬Medley。
真係好興奮。
全場High爆。
