今屆港姐亞軍施宇琪和季軍袁文靜感情要好，早前私下相約聚會，二人頭貼頭大玩自拍，袁文靜更對施宇琪讚不絕口，還揚言大家的人生觀及價值觀都十分契合，很感謝香港小姐能把大家聚在一起。但是次聚會完全不見冠軍陳詠詩的蹤影，再度惹起不和的猜測。
今日（6/10）施宇琪現身將軍澳出席無綫節目《攻你上大學》錄影，她接受《香港01》訪問時表示：「其實冠軍係去咗旅行，所以嚟唔到，加上我同冠軍細個嘅時候已經認識，所以絕對係冇不和嘅。（有冇唔啱過？）冇唔啱。其實同袁文靜啱傾，就唔代表同佢不和嘅。」
被問到是否同陳詠詩沒有太多話題？施宇琪表示：「都⋯⋯有嘅。同埋我哋都有共同嘅朋友，之前搭飛機大家坐埋一齊，都傾咗4個鐘，咁所以無可能話冇話題嘅。（袁文靜同佢嘅關係又係點？）咁你要問返袁文靜啦，我就真係唔知呀。」
