【On.cc】陳曉華話《新聞女王2》收視好 大家做乜佢做乜藝人陳曉華（Hera）今日（16日）出席無綫台慶劇《新聞女王2》的宣傳活動，提到她主演的《金式森林》剛播出結局，明天又在《新聞女王2》登場，在幕前無縫連軌，她說：「兩個角色係180度唔同，《新聞女王2》入面係一個壞人，一個好冇安全感嘅女仔，要狙擊Man姐（佘詩曼角色）。」坦言預了播出後會被觀眾鬧，揚言待劇集播完會向「Man姐」道歉，並笑指要找監製為她們安排擺和頭酒。提到Hera在劇中有穿泳衣場口，但泳衣款式密實欠睇頭，黃宗澤指若開第3季，要求Hera穿三點式上鏡，她笑言：「呢個係佢提議，我都要拉佢落水一齊着。（如果收視好會點派福利？）大家做乜我做乜。」Hera今次做奸角。好大挑戰。一定有進步。收視好，着三點式在望。劇中蔣祖曼與佘詩曼（阿佘）被內地網民捧為「女女CP」，又將兩人的劇照P圖變成咀嘴照，祖曼笑言看到照片後也嚇一驚，心想是否有拍過，後來才發現是AI圖，覺得很搞笑：「我都好驚訝大家有咁大回響，以前做獨立電影同做舞台劇，好多時做咗好多嘢但未必會有回報，所以今次真係好開心。」又謂期待跟阿佘以CP檔搵真銀。至於谷婭溦在劇中演職場新人，網民指她劇中形象跟平時截然不同，差點認不出她，她說：「我今次係接近素顏拍攝，試咗超過50副眼鏡，我今日都買番差唔多款嘅眼鏡，仲買咗啲配合角色嘅衫著嚟宣傳。」提到近日有網民自稱拍到一名女藝人在機鐵的座位上撐起雙腳，谷婭溦成嫌疑人之一，她否認：「我唔會咁做，而且相中嘅人同我平時嘅打扮完全唔同。（覺得冤枉？）我覺得好笑。」談及曾是同公司的歌手菊梓喬自爆已回復自由身及要自資出歌，她稱指自己有公司，故此沒有這個煩惱，又讚公司也給她很大自由度，可以推出自己創作的歌曲，現時忙為《中年好聲音4》擔任評審，雖然花掉不少時間，但由於自己喜歡唱歌，也喜歡教人唱歌，所以沒關係。蔣祖曼（右）同谷婭溦角色都好突出。
