視后唐詩詠與視帝陳豪今日（23日）現身沙田馬場出席活動。詩詠表示活動上見草蜢成員蘇志威即勾起她昔日回憶，表示當年初入行拍劇集《心花放》，我們劇中正是陳豪和蘇志威演他的哥哥。問到經營麵包店的她，可有打算跟經營咖啡店的陳豪Crossover推出產品？她表示自家麵包店早已採用對方的咖啡豆炮製麵包，認同做生意應該要多點創意，給顧客新鮮感，剛才也有跟對方交流生意經。她坦言現時經營環境困難，租金佔生意開支很重比例，希望各業主們都能體諒減租，減低經營者負擔。詩詠表示很享受現時生活，每天差不多九時起床，每星期也會去跑步，相比昔日拍劇，現時生活規律了很多：「以前可能放假都會諗做嘢，但依家真係享受生活，都會諗吓麵包舖，係另一種生活模式。」不過她表示沒有放棄幕前工作，透露正洽談劇集和舞台劇，預計於下年演出，現時揀劇本主要視乎角色適合。問陳豪到可有打算跟唐詩詠合作開咖啡麵包店？他坦言沒有，因對方有自己生意方向，自己亦已有固定品牌，不過有機會亦可作期間限定合作。提到他日前受訪，提到台慶當晚演出時發出魔音笑聲被網民瘋傳，他笑指自己這把笑聲已很久沒有使用，自己也遺忘了，他笑謂：「要逼我攞番出嚟，七旋斬！（網民讚你演技好又搞笑！）又唔係，係真情流露，其實我一直都係咁，古靈精怪。（研究下用呢把笑聲拍劇？）可以同監製研究吓，哈哈！」他指近年劇集題材以正劇為主，喜劇題材不多，懷念以往不時演出劉家豪監製的喜劇：「我其實係個好適合拍喜劇嘅演員，本身個腦天花龍鳳，做嘢又古靈精怪，本身就係一個笑柄，哈哈！坦白講我係鍾意喜劇，我嘅笑聲係開懷大笑，暴露咗我嘅好處添，哈哈！」他笑言慶幸子女沒有遺傳他的魔音笑聲，否則會笑死同學仔。陳豪表示會教自己小朋友唱歌，指現今小朋友鍾愛時下外國流行曲，又自豪地説：「喺旋律上我都有啲功底㗎，唱歌都曾經攞過獎，擁有過標榜成績！哈哈！（幾時再出新歌？）做人又唔好咁過分，自己都唱過好多劇集歌，遲下都有啲商演要唱歌。（唔會再出現墜機版《歲月如歌》？）我一定唱返起架機，係我嘅首要任務。哈哈！」另談到她早前跟好姊妹黃翠如到日本旅遊，詩詠説：「佢知我去日本話自己都好想去，我話你嚟吐！你生完都未去過旅行，你老公蕭正楠已經去過兩次，你都要放下假，結果突然有一日佢同我講買咗機票，我就喺日本等佢嚟。」她笑指為了翠如的到來，除了要物色當地美食，更要物色嬰兒用品店，她續說：「但我知道佢好需要呢個Me Time，我哋都好耐冇試過兩個人傾偈，嗰幾日傾咗好多嘢。」她坦言翠如有了小朋友自己比較困身，但覺得對方也很享受家庭生活，問到有否羨慕對方？她笑言自己也養了兩隻愛貓，每天清晨也要起床餵牠們，覺得現時生活也很舒服，問到有否想找個伴侶？她笑謂：「你畀我享受吓先啦！哈哈！」問到會否考慮相睇？她透露圈中有「金牌媒人」之稱的林盛斌間中會主動向她介紹「筍盤」，但笑指太刻意安排自己會太習慣，因此回絕了對方好意。
