相當精彩嘅首回合，孫銘謙上半場嘅世界波為港隊取得領先後，下半場廣東隊迅速作出迴應，先有陳偉為球隊追和，及後隊長姜志鵬喺左路殺入禁區爆射將比數反超。不過陳偉為自己嘅「多腳」付出代價，被球證出示第二年黃牌驅逐。而喺艾華頓利用十二碼再次將雙方拉到同一起跑線嘅同時，黃梓舜喺4分鐘後嘅多餘動作亦為自己帶來本場賽事嘅第二年黃牌，廣東隊喺73分鐘開始只能過以9人應戰。但係港隊未能把握場上優勢，製造嘅威脅埋門亦唔多，最終以2-2 握手言和。就目前形勢而言，優勢似乎已經企咗喺廣東隊一邊，睇下盧比度可以施咩法術，令港隊第二回合作客能夠化腐朽為神奇！
