何沛珈傳與阮浩棕被「禁愛令」拆散 本尊親認目前單身.藝人何沛珈與阮浩棕緋聞傳足多時，早前有指因被公司下「禁愛令」令兩年地下情玩完，她今日（29 日）現身尖沙咀，跟陳庭欣、何依婷、戴祖儀、林凱恩及劉曉昆出席無綫新全節目《尋歡作樂的姐姐》記者會，親身回應事件，同場的陳庭欣亦宣布與拍拖8年的男友已分手數月。何沛珈坦言已回復單身，她説：「我諗大家可能最關心就係我同浩棕嘅事，我哋依然係好朋友，依家我嘅感情現狀況係單身。（因為公司「禁愛令」分手？）無論公司也好，我哋自己都好，都係想專注事業，從來都唔係別人畀壓力我哋，反而係我哋會畀壓力自己，總之就係要專注自己嘅工作。（單身幾耐？）6個月內嘅事。」她表示跟阮浩棕依然是好朋友，因正值事業衝刺期，希望先專注事業，問到是否她提出分手？她說：「我哋兩個都有保持溝通，依家仲有聯絡。」問到早前是否因情傷到曼谷散心？她笑指是因台慶贏了20套機票關係，因機票有限期，更表示曾向監製提議開節目到當地拍攝，她可贊助機票，追問是否需要去散心？她説：「有時間就會去。（陳庭欣啱啱甩拖，送一套畀佢去散心？）我見佢啲旅行相通常係去馬爾代夫，我都好羨慕。（送一套畀阮浩棕？）任何想去曼谷散心嘅朋友可以搵我。」問到是否已預備好接受新戀情？何沛珈指稍後有其他工作，現時還是想先專注做好自己：「報咗戲劇班同英文班增值自己。」提到她被指做健身時現「頹樣」，問到是否未收拾好心情？她笑謂：「做運動個樣都係不修邊幅，又唔化妝，一起身就衝出去，平時除非要上鏡，否則都係Hea啲。」她指自己已是成年人，遇到困難或磨練都會自己去消化，她強調跟阮浩棕仍有溝通，但當問到二人拍拖多久？她即尷尬表示「唔好問」。另談到拍攝今次新節目，何沛珈指節目中有被小鮮肉公主抱、有上身只穿圍裙的男士為她們煮美食，並透露會穿上比堅尼跟男士有身體接觸，她笑稱自己已是姐姐級，拍攝時不會很害羞且大方完成，節目中亦有跟何依婷交流感情問題的環節，問到拍攝時她的感情狀況？她指拍攝已過去，避談問題。TVB
