兩個來自中場球員嘅入波，萊切擊敗卡利亞里。意大利球證指派員洛基都有喺現場睇比賽，睇嚟鏡頭都係特意捕捉。
兩隊大部份有威脅嘅攻門都係來自頭槌，萊切嘅兩個入波都係來自死球。佢哋爭勝慾望，明顯比卡利亞里高。教練迪法蘭斯高賽後表示滿意兩個入波來自中場球員，但下次希望入球來自前鋒。並表示將勝利獻俾因為渡輪延誤而冇辦法嚟到現場睇比賽嘅球迷。廸法蘭斯高表示入波嘅中場根杜文（Omri Gandelman）喺生波運作時速度唔快，但跑動嘅時機出色，並且非常穩定同有好好嘅彈跳力，識得如何喺線與線之間走動，好好地作為球隊嘅第二前鋒。
37歲嘅前鋒柏禾列堤今季第一次為卡利亞里踢正選；守門員卡比利間唔中有啲嚴重犯錯，呢樣睇嚟會影響佢去大球會嘅機會。
serie a 🇮🇹 卡利亞里0-2萊切
