巴圖連拿表示若果AC米蘭準備多啲摩特歷嘅波衫俾佢哋，咁就皆大歡喜。
科莫嘅克羅地亞中場巴圖連拿喺1-1打和AC米蘭嘅比賽之後，被問到有冇攞到摩特歷嘅波衫，佢話第一循環交手嘅時候摩特歷俾咗件衫佢，今次俾咗史姆錫 (科莫陣中嘅另一位克羅地亞球員），若果AC米蘭能夠準備多啲呢位傳奇球星嘅波衫俾佢哋，咁就皆大歡喜。
巴圖連拿表示透過國家隊嘅比賽，佢同摩特歷成為咗朋友，無論同對方並肩作戰定係作為對手都係佢嘅夢想，佢好替摩特歷喺AC米蘭表演出色感到高興。
呢位23歲喺瑞士出世嘅克羅地亞球員今場有兩次key passes，50次傳送當中有43次成功，近期整體表現有所進步，佢話都冇乜嘢秘訣，佢感覺自己非常自信，踢得好開心，而身邊亦都有好多優秀嘅球員。
