【On.cc】胡定欣首年派利是勁唔慣 企硬今年唔生B
藝人胡定欣、薛家燕、周吉佩、張與辰、鍾柔美、詹天文及黃淑蔓等傾巢而出，下午出席新城廣播團拜活動，吸引大批粉絲到場追星，場面相當熱鬧。新城趁機官宣年底頒獎禮張會減至48個獎項，增加競爭及認受性。
新城搞團拜活動，大批藝人現身撐場。
胡定欣今年首年派利是，佢都話唔慣。
仲同馬浚偉「交換利是」及互相拜年。
回復自由身的胡定欣以特別嘉賓身份亮相，獲邀上台祝酒時向DJ「獻媚」謂：「之前我嚟宣傳劇集，希望今年可以多啲過我嘅歌。」她又與高層馬浚偉「交換利是」及互相拜年，定欣更提醒大家：「我哋喺《宮心計2深宮計》扮演帝皇帝及王后㗎！」馬浚偉笑說：「我問佢今年生唔生B，佢話佢唔生『馬仔』喎。」
談到婚後度過首個農曆年，定欣笑言非常不習慣：「要準備好多利是，老公成日問我夠唔夠，我都終於可以派畀等咗我好多年嘅表弟同表妹喇。以前長輩都會畀大利是我，但今年已經冇再收到，我先醒起因為自己結咗婚，哈哈！（有冇被催生B？）見面都會講，但我比較希望大家祝我生意興隆同開開心心，多謝大家嘅祝福。」
定欣揚言與邵氏約輩滿後，很期待投入新工作模式，並計劃4月推出個人全新單曲，且繼續於內地舉行音樂會。問到「胡說八道會」姐妹陸續加入內地發展，她可有工作招手，定欣回應：「梗係希望擴闊版圖啦，其實除咗唱歌外，我都希望再拍劇㗎，話晒有兩年冇拍喇。（期待年尾頒獎禮攞獎？）呢方面唔會諗太多，反正我喜歡唱歌，淨係想做自己喜歡嘅嘢，冇壓力嘅。」
馬浚偉爆料話胡定欣今年唔生BB。
胡定欣已計劃4月推出個人全新單曲。
胡定欣專心搞歌唱事業。
