尖沙咀必食人气泰国菜🤤

呢间系OpenRice 一直都系第一位收藏慨餐厅已经嚟过几次，经常都会挂住呢到慨野食，今日老公早收工又咁岩系尖沙咀附近，紧系又要嚟再食啦😋！好在我早有准备book 定台，夜晚7点已经系full house‼ ️ 🥘黄咖喱炒大头虾 $268 黄咖喱炒大头虾咖喱汁浓稠得黎又带阵阵椰香，微辣咸香啱啱好！而虾肉鲜甜爽口，咬落仲有啲弹牙，而成只虾仲吸晒啲咖喱精华，真系好入味，配蒜蓉包食真系一流！ 🥖蒜蓉包 $48 蒜蓉包好脆口同蒜蓉味岩岩好，咸咸地但又唔会抢左咖喱慨味道，超夹！四件唔够食Tim呀！ 🐤泰式海南鸡（半只） $148 泰式海南鸡鸡肉滑嫩多汁，而个汁真系好惹味！点汁食个味道层次劲丰富，酸辣醒胃又唔会抢鸡味，食落劲满足！ 🦐炸虾饼（6件） $88 泰式炸虾饼外层炸到金黄酥脆，咬开内里慨虾胶弹牙多汁，虾味浓郁，口感劲丰富！蘸埋甜辣酱一齐食，甜中带辣好开胃，忍唔住一块接一块！ 🥬马拉盏炒通菜 $88 马拉盏炒通菜超级惹味！通菜炒得火喉啱啱好，爽脆鲜甜，马拉盏香气十足又咸香入味，仲带少少辣劲！ 🥭芒果糯米饭 $ 88 烟韧慨糯米饭配埋熟得啱啱好慨芒果，鲜甜多汁，入口即融，再淋埋少少椰奶，甜香滑溜，作为饭后甜品真系一绝！ 🥥椰青 $52 大大个清甜椰青配浓味野食真系最岩，清返个味蕾。 🧋泰式奶茶 $36 泰式奶茶香浓甜滑，带阵阵茶香再混合奶慨甜味，清甜醒神。 📍 Milu Thai มิลู่ไทย 尖沙咀亚士厘道24-38号天星大厦4楼