【On.cc】簡淑兒麥大力婚照曝光 恩愛反轉酒店煲呔都拆埋
藝人簡淑兒同男友麥大力前日（7日）宣布獲求婚成功，準備升呢做人妻，加上麥大力亦剛榮升機長，雙喜臨門勁開心。大批網友睇好佢哋白頭到老，加上二人都係男神女神，令人期待婚禮成果。趁尋日（8日）係麥大力39歲生日，簡淑兒再發功，上載二人一早準備好嘅索爆婚照，分享幸福時刻。
麥大力咁啱39歲生日，Sweet到漏。
簡淑兒留言：「回想四年前我們第一次被拍到的情景…😂生日快樂！ 🤍麥大力（這次我們已經做好面對鏡頭的準備了~哈哈）」晒出嘅婚照中，二人去到酒店影靚相，簡淑兒以閃爆Low cut露背高衩晚裝現身，麥大力就以西裝煲呔上陣，二人一時喺電梯影，一時走到去酒店房走廊，最後更玩到麥大力個煲呔都拆埋，合照時又成日深情對望，時不時又攬實甜笑，恩愛到恨死隔籬。
眼神離唔開對方。
長腿有埋。
幸福滿瀉。
簡淑兒長腿、玉背同時晒。
简淑儿[超话]麦大力
