麻雀乐团丨「魔音」郭柏妍唱《小幸運》　不知李佳芯唱此歌「起朵」.無綫熱播劇《麻雀

麻雀乐团丨「魔音」郭柏妍唱《小幸運》　不知李佳芯唱此歌「起朵」

.

無綫熱播劇《麻雀樂團》今日在樂富搞戶外Busking，譚俊彥（Shaun)充當吉他手、黃庭鋒負責打鼓、「聲夢2」黃洛妍拉小提琴、演唱主題曲和片尾曲，其他演員都大開金口，Shaun「年輕版」廖家爵與莊易羚合唱，Shaun展示手機裏面25年前的舊相，力證年輕時同廖家爵撞樣。全場焦點落在「無綫魔音」郭柏妍（Rosita)身上，Rosita孖胡敏芝合唱《小幸運》，演出前Rosita緊張地說：「開心大家陪住我，好耐無唱過歌。」期間音嚮發生兩下爆咪，無阻Rosita演出，圍觀粉絲都報以熱烈掌聲鼓勵。

監製羅永賢向Rosita派定心丸：「下次畀郭柏妍唱主題曲。」感受到演員都很有音樂感，明言若拍《麻雀2》一定會原班人馬演出，甚至可以排戰難度開歌舞劇。

Rosita表示今次Busking同首次拍劇一樣緊張，透露專承購買卡拉ok神器回家練歌，又跟謝東閔學唱歌，之前李佳芯（Ali)唱《小幸運》成為魔音始祖，Rosita不知道Ali唱過，㨂此歌想嘗試不同曲風。

黃庭鋒指Rosita已撇甩魔音之名，又叫她轉行做歌手，Rosita不敢自評歌藝進步，交由觀眾品評，反讚黃庭鋒打鼓叻。她表示若收視30點會再清唱一曲，黃庭鋒表示收視再好會與Rosita 合唱。他們都表示希望有機會開《麻雀2》，若開歌舞劇的話，Rosita 揚言必定會日日練歌舞，雖然擔心唱歌跳舞同步，但想挑戰邊拉大提琴邊唱歌。

Shaun在第一次劇集宣傳時號召會開busking，終於成事，自言以前成日唱歌，近期較忙少練習，開心大家都有畀心機練習，大讚「細妹」胡敏芝有很多潛能。胡敏芝之前跟演員有個別練習，又專登唱了兩次卡拉OK。Shaun表示以前同Ali登台，有聽過Ali唱《小幸運》，而今次是Rosita自己㨂唱此歌，證明她挑戰到。「之前可能係「阿爸」（林敏驄《下流上車族》）要唱得恐佈製造戲劇效果，證明Rosita專心係可以做好件事。」直言恨參予與音樂有關的演出，希望歌舞劇能成事。

Shaun提到早前預祝父親狄龍79歲生日，將自己的邵氏開工利是送給爸爸，狄龍表現很開心，Shaun表示少時爸爸經常帶他入片場睇拍戲，現在輪到Shaun拍劇，覺得邵氏logo對父子很有意義。父親以你為榮？「佢叫譚富榮（狄龍原名），佢真心開心，見到邵氏logo好得意，回憶番細細個佢帶我入片場，爸爸平時好cool，但見到孫喺度唔同晒。」