麻雀樂團｜胡敏芝真情流露！感激譚俊彥超窩心舉動助入戲：好多謝《麻雀樂團》畀咗個家

麻雀樂團｜胡敏芝真情流露！感激譚俊彥超窩心舉動助入戲：好多謝《麻雀樂團》畀咗個家我

.

昨晚一集《麻雀樂團》喊戲表現出色的胡敏芝，接受tvb.com訪問時，透露該場喊戲算是半個「處女作」：「我拍呢場之前拍咗《非份之罪》嘅單元，入面有喊戲，呢場係觀眾第一次睇我嘅喊戲。」

問到作為新人，為何拍喊戲能喊得如此自然兼有感染力，胡敏芝：「呢場戲嗰陣差唔多尾聲喇，大家對咗好多日，真係好有一家人嘅感覺；其實嗰時我見佢哋係多過見自己屋企人，嗰度真係仲似自己屋企，嗰時好少返屋企，成日留喺廠；因為咁氣氛所有嘢喺晒度，就好易代入。」

胡敏芝感激該場戲譚俊彥及李佳芯幫了她不少：「其實嗰場我哋拍咗wide shot先再拍大頭，但拍wide shot時我已經忍唔住想喊，因為大龍鳳對我哋成家都好有意義、件事好重，見到久哥同鐵姐為咗唔想我哋擔心仲要扮輕鬆，好心碎，就忍唔住喊。阿Shaun（譚俊彥）同Ali（李佳芯）好好，見到我喊，就叫大家大頭影咗我先，驚我冇咗個情緒。同埋佢哋雖然back shot，都畀足戲我去演、去幫我，佢哋真係好專業好好。」

胡敏芝續指《麻雀樂團》是她的處女作，能夠一take獲取納，她笑言要感謝監製Marco：「接嗰刻都唔知道咁多戲份，以為只係一個妹妹。好多謝Marco揀我，因為我係新人，可能好伏架嘛，所以我更加要努力做好件事，因為唔想辜負人哋嘅作品同埋信任。」

她又感謝編劇團隊對角色寫到很有愛和有血有肉！問到Marco為何如此大膽起用胡敏芝這個新人飾演如此重要的程晴，Marco笑言起初是劇組覺得她與角色perfect match推薦給他，後來覺得胡敏芝果真演得十分好決定加戲給對方：「套劇仲未出街時，我哋幕後無論拍攝同剪片，都大讚程晴呢個角色，我哋都睇好佢入屋，恭喜Karen（胡敏芝）最後真係做到。」

胡敏芝還以「好多謝《麻雀樂團》畀咗一個家我」總結今次經驗：「今次經驗對我嚟講好寶貴，自己好珍惜今次嘅機會，我其實仲有好多可以改善嘅地方，但想講嘅係，今次真係學咗好多嘢，Shaun（譚俊彥）、Ali（李佳芯）、監製、導演教咗我好多嘢。好多謝《麻雀樂團》係一個好有愛嘅大家庭，所有人都好好，好多謝《麻雀樂團》畀咗一個家我。」