賓福特今季7場英超主場贏咗5場，佐敦軒達臣交出靚助攻同有好嘅策動，唐斯加特（Mikkel Damsgaard）都有好狀態；伊哥泰亞高今季有11個聯賽入波；希基嘅狀態都喺度提升中，但今季八場聯賽上陣只有一場踢足90分鐘。般尼製造埋門嘅能力比較弱，今場只有6次攻門，呢一週之前係英超埋門次數最少嘅一隊。費林明呢兩季取得16個聯賽入波，有13球係作客取得。「太子仔」菲爾科頓入兩波，曼城主場贏列斯3-2，不過鏡頭有捕捉到哥迪奧拿拉咗夏蘭特埋一邊傾好耐，唔知係未同佢呢場無收穫有關…愛華頓三場不敗後表現插水，返主場慘敗俾紐卡素。今仗作客嘅紐卡素進攻效率奇高，9次埋門有8次中目標。暑假由AC米蘭來投嘅德國中堅泰奧（Malick Thiaw）之前各項賽事都未有進帳，今場一入就入兩粒。射手禾達美迪繼續有士哥，係佢喺紐卡素至今嘅第7個入波，聯賽就佔其中5球。熱刺算係有所起色，但係守門員域卡里奧（Guglielmo Vicario）處理失誤釀成大錯，造就夏利韋遜入靚波，怨人無尤。輸到第4場，目前僅排喺第10位；贏波嘅富咸就暫時上番15位。英超第12週賽事賽果-賓福特3-1 般尼辛德蘭3-2 般尼茅夫曼城3-2 列斯聯愛華頓1-4 紐卡素托定咸熱刺1-2 富咸水晶宮🆚曼聯（稍後時間進行）阿士東維拉🆚狼隊韋斯咸🆚利物浦諾定咸森林🆚利物浦車路士🆚阿仙奴 🏴
