藝人崔碧珈最近被爆新戀情，近日她在社交網分享跟58歲「大隻Rocky」鄭健樂的做Gym合照，Rocky更於社交網個人狀況標註了崔碧珈並寫明跟對方戀愛中。但前日（14日）她在出席活動時，卻強調自己單身，表示「瞓醒先知道呢件事」，又指二人只是很好的朋友關係，但就給予對方很高評價：「認識的人當中最高分的男人」、「我都好單純，佢比我更單純」。網民對於呢段閃電戀情議論紛紛，有人表示社交網的感情狀況更新是需要另一方確認，質疑崔碧珈早已知情。對此，崔碧珈昨日進行實測澄清，將其社交網的情感狀況更改為與前經理人「交往中」。而今日她再度發文稱社交網的感情狀況設置，毋須雙方確認：「係唔需要對方確認，都可以Tag到對方做戀愛關係，然後Share喺自己個News feed度，唔信你自己試吓。我就啱啱試咗Tag我前經理人Audrey，係佢唔知道嘅情況下都Post咗係我News feed啦！Surprise。」不少網民見狀都到Rocky的認愛貼文留言安慰：「心痛Rocky哥1秒」、「支持你！加油唔好理其他人噏乜，最緊要自己開心」。
