拿坡里晉身意大利超級盃決賽 🏆🇮🇹大衛尼利斯今場再踢一個偏中間嘅位置，效果唔錯，有較大嘅自由度。有洛博卡、麥湯米尼在陣，艾馬斯可以踢前一啲，不過睇來佢仍然需要時間適應。兩隊都陣容不整，喺呢個狀況下，拿坡里處理得更好，球員對自己嘅工作更清晰同理解。當選最佳球員嘅凱倫賽後表示，佢同盧卡古關係好好，對方教咗自己唔少嘢，希望盧卡古盡快可以上陣。隊長迪羅倫素賽後表示球隊今場喺士氣、態度同亙相幫助嘅層面上都唔錯。AC米蘭方面，迪雲達面對凱倫好多次都防唔住；艾歷尼賽後話需要專注訓練同重建強大嘅防守體系，咁樣球隊先能夠進入聯賽前四。值得一提嘅係，意大利超級盃仍然係少有比賽，VAR 球証會面對鏡頭嘅。今晚會有另一場準決賽送上- 博洛尼亞對陣國際米蘭，有興趣嘅朋友切勿錯過！
