尋日洛桑對費倫天拿嘅上半場尾段，能見度低，視野唔清晰，就好似而家紫百合嘅處境。費倫天拿用古亞美（Christian Kouamé）踢左翼衛，效果平平；中場中嘅歷高路斯卡維利亞（Hans Nicolussi Caviglia）狀況最不濟，傳送失誤比較多，覆蓋範圍同協防嘅能力亦都弱；前鋒碧高利（Roberto Piccoli）好幾次越位兼錯失機會。尾段反而係科天尼（Niccolo Fortini）同蘇姆（Simon Sohm）嘅攻門最接近入波。費倫天拿中場組織比較弱，禁區裏面嘅防守亦有唔少錯誤。教練雲路尼賽後承認會為球隊表現負全部責任，佢認為球隊想要有正面嘅表現，而歐洲賽亦都可以為球員帶嚟更多上陣時間，不過喺呢場比賽表現唔好，可能已經將心思放咗喺聯賽，亦表示佢哋就算呢場贏波，都需要踢淘汰賽附加賽。雲路尼亦都提到球隊會繼續喺訓練基地集宿，直到贏波為止。根據統計，喺干美素2019年成為球隊班主之後，以頭8場成績計算，雲路尼係成績最差嘅一位正教練，只錄得1勝2和5負。球隊今季踢咗23場入26球，平均每場入球率 1.13 ，係自從2011到12 球季之後最差嘅一季。傳聞喺星期日對烏甸尼斯之後，球隊會再審視是否需要再更換教練，據說潛在可能人選包括梅度、加路柏同達維迪安察洛堤等等。直布羅陀球隊林肯紅魔鬼喺對華沙嘅賽事，派出44歲零81日嘅前鋒卡西斯亞路（Lee Casciaro） 上陣，破咗歷來歐洲賽上陣年紀最大紀錄。呢名44歲射手本身正職係警察，並且入職已經22年，佢過往亦係直布羅陀國家隊嘅標誌性人物，全因喺2015年佢為直布羅陀攻入歷來第一個喺具競爭性國際賽嘅入波。而林肯紅魔鬼最終作客輸1-4，以淨勝球劣勢無緣附加賽，相當可惜！淘汰賽階段對賽形勢出爐，睇下邊隊可以笑傲萊比錫？！歐洲協會聯賽第6比賽日賽事賽果-AEK雅典3-2 佳奧華大學AEK拉拿卡1-0 迪杜禾艾克馬亞0-0 查基朗尼亞查積0-0 舒本水晶宮2-2 古普斯基輔戴拿模2-0 諾亞FC洛桑1-0 費倫天拿歷基亞4-1 林肯紅魔鬼緬恩斯2-0 森臣士邦莫蒙尼亞0-1 捷斯杜卓華華歷簡奴3-0 迪達布拉迪斯拉華1-0 赫根薩克達0-0 列積卡森洛克流浪3-1 漢倫史巴坦斯奧朗姆斯1-2 列治布拉格斯巴達3-0 鴨巴甸史特拉斯堡3-1 比達比歷施連斯基1-1 維也納迅速直接晉級16強隊伍:史特拉斯堡、捷斯杜卓華、AEK雅典、布拉格斯巴達、華歷簡奴、薩克達、緬恩斯& AEK拉拿卡獲得附加賽參賽資格球隊：洛桑、水晶宮、列治、森臣士邦、查積、艾克馬亞、費倫天拿、列積卡、查基朗尼亞、奧莫尼亞、諾亞FC、迪達、古普斯、迪杜禾、施連斯基& 奧朗姆斯。
