過去5場賽事，卡華特利雲有6球進帳，協助列斯聯取得近4場不敗兼搶到8分。目前佢哋暫列16位，與降班區域，排名18位嘅韋斯咸拉開到6分差距。禾達美迪梅開二度，取得今季嘅第7粒聯賽入波，狀態係keep得比較好嘅一位；34歲「壽星公」法比安舒亞人逢喜事精神爽嘗試下處理罰球，可惜就「秋高氣爽」。紐卡素再次得半場好波嘅表現，賀維要唸下偈先得。曼城贏波多少刺激到阿仙奴球員嘅斗心，迪勤萊斯開出嘅角球導致奧拜恩禁區內手球，經VAR追加核實獲得機會嘅基約卡利斯射入今季第2粒十二碼，令到佢哋喺英超史上第五次獲得聖誕節冠軍，不過對上四次就全數失守，分別兩次「不敵」曼聯同曼城，睇下今季可唔可以打破魔咒。熱刺嘅進取演變成激進，甚至有點不冷靜。沙維西蒙斯罕有地無壓力下踩踏國家隊隊友雲戴克上半場就被逐。踢多個嘅利物浦下半場早段由艾薩克打開僵局，但同時又被雲迪芬踢傷落場，傷勢暫時尚未明確，後者就並未受到任何處罰。而完場前羅美路嘅粗野動作令佢兩黃變一紅，致熱刺最終得番9個兼輸波。狀態回勇嘅利物浦就取得各項賽事三連勝，積分排名追到同同車路士同分，暫列第五位。英超第17週賽事賽果-紐卡素2-2 車路士狼隊0-2 賓福特曼城3-0 韋斯咸白禮頓0-0 辛德蘭般尼茅夫1-1 般尼托定咸熱刺1-2 利物浦列斯聯4-1 水晶宮愛華頓0-1 阿仙奴阿士東維拉🆚曼聯（稍後時間進行）富咸🆚諾定咸森林 🏴
