費倫天拿今季聯賽第一次贏波，而對上一次喺聯賽取勝係5月25號，上季最後一輪，對手都係烏甸尼斯（送溫暖）。烏甸尼斯開波9分鐘，有守門員奧高耶（Maduka Okoye）侵犯摩西堅恩攞紅牌係關鍵，但費倫天拿改變陣式都好重要。紫百合差唔多係冇控球權踢442，有控球權接近踢 433 ，最特別係將左後衛柏利斯放喺右翼同杜杜合作，產生唔錯嘅效果，並且能夠重點攻擊對方唔太適應踢左翼衛嘅貝圖拉（Nicolo Bertola） ，紅牌嘅發生，就係來自費倫天拿右邊嘅進攻。佢哋嘅戰意同合作性都有明顯嘅提高，古蒙遜開始上力都係一個重點，法基奧利都交出兩個助攻，而摩西堅恩就梅開二度。繼月頭喺意大利盃之後，亞特蘭大再贏熱拿亞，進入十二月後球隊各項賽事已經取得6戰5勝1負嘅成績。同烏甸尼斯如出一轍，熱拿亞守門員利亞尼（Nicola Leali）開波3分鐘就要為球隊後防線埋單，主隊被迫長時間踢少一個。不過眾志成城守得唔錯，而且諾頓古菲喺右路嘅強突，差d就造就域天拿（Vítor Manuel Carvalho Oliveira）打開僵局。而佢哋守到最後時刻先失波兼三分盡失，確實有點可惜。亞特蘭大嘅入球轉化率依然有待提高；馬甸尼獲得今季第3次主力上陣機會，表現一般。今仗比較出位嘅反而係三中堅嘅其中兩位，軒恩（Isak Hien）頂入絕殺入波，而高拿斯歷下半場有一記大禁區頂左側嘅遠射，幾乎考起熱拿亞後備龍門森瑪利華（Daniele Sommariva）。意甲第16週賽事賽果-拉素0-0 基蒙尼斯祖雲達斯2-1 羅馬卡利亞里2-2 比薩薩斯索羅0-1 拖連奴費倫天拿5-1 烏甸尼斯熱拿亞0-1 亞特蘭大拿坡里🆚帕爾瑪（延期到1月份進行）國際米蘭🆚萊切維羅納🆚博洛尼亞科莫🆚AC米蘭 🇮🇹
