驚艷十一月嘅賀華高斯嚟到十二月份表現就有所回落，四場賽事只錄得1勝1和2負，聯賽更加係三場不勝，積分排名跌番落倒數第二嘅17位，護級前景變得黯淡。阿積士喺上升期遇到障礙，佔據優勢且上半場領先嘅情況下被主隊NEC尼美根追和，及後未能再增添紀錄有點可惜。相信目前球迷最期待嘅係歇冬後富安 健洋能夠盡快上陣，與國家隊隊友板倉 滉修補漏洞百出嘅防線。飛燕諾方面，雲佩斯近段時間壓力都幾大，早前更有臨場同在場球迷理論嘅畫面。今仗面對川迪再次失分，與榜首PSV燕豪芬嘅差距進一步擴大到11分，下半季要追趕對手難度變得愈來愈大。相反後者穩奪聖誕冠軍，球員同教練職員可以安安心心過番兩個禮拜嘅歇冬+聖誕新年假期。荷甲第17週賽事賽果-賀華高斯0-3 荷連芬SBV精英2-1 施禾尼NEC尼美根2-2 阿積士NAC比達0-1 泰斯達烏特勒支1-2 PSV燕豪芬伊高斯1-1 岡寧根飛燕諾1-1 川迪幸運薛達4-3 艾克馬亞禾倫丹0-1 鹿特丹斯巴達 🇳🇱
