拉素近四場賽事保持不敗，之前九月尾到11月初亦都連續六場冇輸過，但偏偏今季未試過連續兩場贏波。2025年喺聯賽6次對升班馬，5場打和一場輸未贏過。卡達廸（Danilo Cataldi）踢中場中，今季表現更加穩妥，防守能力再有提高。拉素今季聯賽只係失咗11球，係今季五大聯賽並列失波第三少嘅球隊。基蒙尼斯右翼衛巴比亞利（Tommaso Barbieri）今季表現唔錯，進攻防守都幾平衡。巴斯基洛圖（Federico Baschirotto）今場幾成功地看管拉素嘅卡斯泰蘭奴斯（Taty Castellanos）。兩隊有相對較多嘅備戰時間，下場比賽亦都喺一個星期之後，有助喺體能狀況比較好、無後顧之憂嘅情況下合演一場競爭激烈、多埋門嘅比賽。祖雲達斯退守會逗得比較深，禁區裏面比較多防守球員；羅馬就更多傾向全場人盯人。麥堅尼喺進攻嘅走動同拉扯係產生到唔錯嘅效果，加上中前場球員嘅走位配合同組織係明顯有進步。比瑪（Gleison Bremer）今季正選上陣嘅6場比賽，祖雲達斯保持不敗。斑馬軍團13次埋門，9次中目標，質素相當唔錯。羅馬56分鐘已經將3位正選進攻球員先後換走曬，係咪應該咁早收起蘇利同戴巴拿都係值得商榷，況且拜利（Leon Bailey）表現繼續令人失望。意甲第16週賽事賽果-拉素0-0 基蒙尼斯祖雲達斯2-1 羅馬卡利亞里🆚比薩（稍後時間進行）薩斯索羅🆚拖連奴費倫天拿🆚烏甸尼斯熱拿亞🆚亞特蘭大拿坡里🆚帕爾瑪（延遲到1月份進行）國際米蘭🆚萊切維羅納🆚博洛尼亞科莫🆚AC米蘭 🇮🇹
