三浦 知良重返J League｜暫簽半年外借約唔使等到1月11號11時11分，福島聯今日就正式宣布三浦 知良加盟，亦係カズ自2022年離開橫濱FC陣容之後，事隔4年再次征戰J League。消息指カズ只係簽咗半年借用合約（名義上仍然係橫濱FC球員），相信只係會參與J2/J3百年構想聯賽。Anyway點都好，以カズ嘅年紀繼續參與比賽未必所有人都支持，但既然去向已經落實，而福島聯球迷目前都非常支持カズ加盟，至少肯定可以為呢支一向喺縣外毫無人氣嘅球隊提高唔少關注度，以及數之不盡嘅經濟效益；再者J2/J3級別嘅百年構想聯賽連亞冠資格都冇得爭，講白啲就係無關重要嘅攝期賽事。對於一個年近60歲嘅人嚟講，要喺職業聯賽比賽上面跟到哪怕只係5分鐘，都要日日練波練到足先勉強做到，稍為鬆懈都好難操得返起，有做開運動嘅人就應該明白係幾難堅持。圖片：福島ユナイテッドFC official site
