講番日前嘅非洲國家盃第二比賽日賽事先！C組嘅尼日利亞都幾驚喜，面對近年表現平穩且防守堅稱嘅突尼西亞，少有地踢出「真自我」。亞特蘭大翼鋒盧克文個人貢獻一個入波兩次助攻，成為球隊全取三分兼提前出線嘅key-man。由於首個比賽日已經擊敗坦桑尼亞，故「非洲雄鷹」已經條件滿額確保能夠以分組頭名晉級淘汰賽階段。D組方面，塞內加爾稍微意外地同民主剛果只能夠握手言和，掌控局面嘅佢哋下半場61分鐘被效力皇家貝迪斯嘅巴甘堡射入而落後；不過文尼就喺8分鐘後將比數追和到完場。最後一輪佢哋需要面對比寧嘅挑戰，似乎三分係佢哋嘅首要目標。赤道幾內亞係第二輪分組賽結束後三支零分球隊嘅其中之一，最後一場對陣已經出線嘅阿爾及利亞，前景依然唔多樂觀。阿爾及利亞喺關鍵一戰有馬列斯把握住十二碼機會為佢哋攞到寶貴嘅三分；輸波嘅赤道幾內亞尾場必須要贏蘇丹，不過實力牌面佢哋都係秤先好多。F組，意料之中係喀麥隆同科特迪瓦握手言和，意料之外係加邦首場留力後第二輪竟然爆冷不敵莫桑比克，可以講基本上日前宣布出局，眼下面對科特迪瓦只能夠寄望出現奇蹟…非洲國家盃第二比賽日賽事賽果-Group A贊比亞🇿🇲0-0 🇰🇲科摩羅摩洛哥🇲🇦1-1 🇲🇱馬里Group B安哥拉🇦🇴1-1 🇿🇼津巴布韋埃及🇪🇬1-0 🇿🇦南非Group C烏干達🇺🇬1-1 🇹🇿坦桑尼亞尼日利亞🇳🇬3-2 🇹🇳突尼西亞Group D比寧🇧🇯1-0 🇧🇼博茨瓦納塞內加爾🇸🇳1-1 🇨🇩民主剛果Group E赤道幾內亞🇬🇶0-1 🇸🇩蘇丹阿爾及利亞🇩🇿1-0 🇧🇫布基納法索Group F加邦🇬🇦2-3 🇲🇿莫桑比克科特迪瓦🇨🇮1-1 🇨🇲喀麥隆🌍⚽️🏆🇲🇦
