葉蒨文Sophie驚喜獻聲《機智女法醫2》 圓歌手夢男友GM請食壽司慶祝
葉蒨文（Sophie）尋晚（5號）喺劇集《機智女法醫2》入面獻唱片尾曲《兌現永遠》，呢個係佢首次挑戰劇集歌曲，更加係入行以來第一首個人單曲，正式以「歌手」身份登場，令粉絲同觀眾都好開心。
為慶祝呢個事業上嘅重要里程碑，葉蒨文尋晚亦都喺社交平台分享同男友曾展望（GM）一齊食壽司嘅相，畫面勁甜蜜。
佢仲好有心思咁喺文案入面幽默叫男友做「General Manager」，即總經理，藉住呼應對方英文縮寫GM，仲甜絲絲感謝GM請食飯慶祝，恩愛之情表露無遺。TVB
